हावाको भरमा फुलेको बजार अव विस्तारै ठाउँमा जाँदैछ । नाटकीय ढंगबाट सानालाई फसाउनको लागि बढाइएको बजारमा साना लगानीकर्तालाई नराम्रो सँग डुबाउने खेल भयो । साना लगानीकर्तालाई विभिन्न हल्लाको प्रभावमा पारेर सेयर किन्न बाध्य पारेर फसाइएको थियो । 

विना कारण १८८१ पुर्याएर अव १२०० तिर लाग्दैछ बाजार । नेपालको अर्थतन्त्रले १२०० भन्दा बढीको बजार धान्दैन ।  नेपालको अर्थ व्यवस्थाको ‘उधोमुन्टो’ लाग्ने निश्चित छ । अनि कसरी बढ्छ पूँजी बजार ? नेपालको अर्थतन्त्र बजबूत नभईकन जवर्जस्त बजार फुलाउनुको कुनै तुक छैन । 

ब्याजदर व्यापक बढिरहेको छ । ‘सेयर लोन’ बन्द भैसकेको अवस्था हो ।  बजारमा तरलता व्यापक अभाव छ । बजारमा पैसानै छैन । बजारमा लगानी गर्दा व्यापक होस् पुर्याउनुपर्ने भएको छ । नत्र बजारले जोगी बनाउने कुरामा कुनै पनि शंका छैन । हल्लामा नलागौं । नत्र उत्तानो परिएला ।

कालो धनको छानविन गर्न जरुरी छ । त्यहि कालो धनले बढाएको बजार अहिले घटीरहेको छ । १२०० मा पुग्ने दिन त्यति टाढा छैन ।  त्यसैले बजारलाइ कमजोर बनाउने दलाल र तस्करहरुलाई कार्वाही गरिनुपर्छ । कालो धनको छानविन गरिनुपर्छ । अर्थतन्त्रले धान्ने जतिको बजार अर्थात बलियो बजार बनाउनुपर्छ ।  

अहिले बजार घटेको कुरा नौलो होइन । यो घट्नुनै थियो घट्यो । फुलेको थियो, फुट्दैछ । कालोधनको छानविन हुने हो भने झन् फुट्छ र साँचो आकारमा आउँछ । 

कुरा भनेको सबैको सुन्नुपर्छ, मेरो पनि सुन्नुस्, विचार आफैं गर्नुस् ।