• अर्थ सरोकार इन्भेष्टिगेसन ब्यूरो 

काठमाडौँ- रिलायन्स फाईनान्सका प्रमुुख कार्यकारी अधिकृत अनिल श्रेष्ठले राष्ट्र बैंक को निर्देशिका नमानेको खुलासा भएको छ ।  नेपाल राष्ट्र बैंकले जारी गरेको एकिकृत निर्देशिका अनुसार कुनै एक बैंक तथा वित्तीय संस्थामा प्रमुुख कार्यकारी, वा सञ्चालक भएको व्यक्ति अर्को नाफामूलक संस्थामा सञ्चालक हुुन नपाउने नियम भएपनि अनील श्रेष्ठ रिलायन्स फाइनान्सको सीइओ भएर एनएलजी इन्सुरेन्सका संचालक बनेका छन् । 

हामीले यसबारे श्रेष्ठसँग पटक पटक बुझ्ने प्रयास गरेका थियौं । तर हाम्रो प्रश्न के हुँदैछ भन्ने थाहा पाएका उनले आफुसँग त्यसको उत्तर नभएपछी उनी पटकपटक हामीसँग भागीरहेका छन् । यता नेपाल राष्ट्र बैंकका प्रवक्ता नारायण पौडेलले भने राष्ट्र बैंकको एकिकृत निर्देशिका अक्षरस पालना हुनुपर्ने र सो अनुसार नभए राष्ट्र बैंकले निर्देहिका विपरित काम गर्नेलाई कारवाही गर्ने बताएका छन् । तर श्रेष्ठ भने आफुले राष्ट्र बैंकमा कुरा मिलाईसकेको हवाला दिंदै यस्तो गैरकानुनी काम गरिरहेका छन् । राष्ट्र बैंकको निर्देशन नमान्ने यी अटेरी व्यक्तिलाइ अव नेपाल राष्ट्र बैंकले के कारवाही गर्छ त्यो भने हेर्न बाँकी नै छ ।