हामीले यस विषयमा बुझ्न मेगा बैंकमा कार्यरत र नेपाल चार्टड एकाउन्टेन्ट्स संघमा कार्यकारी समितिको सदस्यसमेत रहेका, धेरै सिएहरुका विश्वास पात्र मानिएका सन्दीप बाबु पौडेललाई सम्पर्क गरेका थियौं । सुरुमा उनले आफु एचआरमा नभएको, मेगा क्यापिटल मार्केट्समा स्वतन्त्र व्यवस्थापन भएकाले आफ्नो त्यसमा भूमिका नरहेको भन्दै बाङ्गो-बाङ्गो जवाफ दिए । तर सिएका नेता भएपछी यसरी जिम्मेवारीबाट पन्छिन मिल्छ र ? भन्ने आशयको हाम्रो प्रश्नपछी उनले यस विषयमा बुझ्ने र त्यसलाई सच्याउन लाग्ने प्रतिबद्धतासमेत व्यक्त गरे ।

पछिल्लो समय निकै आश गरिएका व्यक्तिबाट नै सिएलाई लक्षित गरेर निकालिएका कमजोर भ्याकेन्सी सच्याउने काममा पहल हुन सकेको छैन । यसअघि ग्लोबल आइएमइ बैंकले मेनेजमेन्ट ट्रेनीमा सिए मागेको थियो । मेगा बैंकबाटनै उक्त बैंकमा डेपुटी सीइओ भएर गएका सिए महेश शर्मा ढकालले त्यसलाई सच्याउने बाचासमेत गरेका थिए । तर उनले त्यो भ्याकेन्सी सच्याउन सकेका छैनन् । बैंकको डेपुटी सीइओ भएर र आइक्यानको काउन्सिल सदस्य हुँदासमेत यसरी सिएका नेताहरु निकम्मा बनेका छन् भने सन्दीपबाबु पौडेलजस्ता भर्खरका नेताबाट खास ठुलो आस राख्नु पनि सान्दर्भिक नहुने धेरैको बुझाइ छ । यसअघि नबिल बैंकले मेनेजमेन्ट ट्रेनीमा सिए माग्दा उक्त भ्याकेन्सी सच्याउन आइक्यानले पहल गरेको थियो भने त्यसअघि ग्लोबल आइएमइ बैंकले यस्तो भ्याकेन्सी निकाल्दा आइक्यानका तत्कालीन अध्यक्ष प्रकाश जंग थापाले आफैं बैंकसंग कुरा गरेर उक्त भ्याकेन्सी सच्याएका थिए ।