काठमाडौँ । नेपाल उद्योग वाणिज्य महासंघका उपाध्यक्ष चन्द्रप्रसाद ढकालले महासंघको आगामि नेतृत्वका लागि वरिष्ठ उपाध्यक्षको पदमा उम्मेदवारी दिने औपचारिक घोषणा गरेका छन् । अनौपचारिक रुपमा यस अघि नै उम्मेदवारी घोषणा गर्नुभएका ढकालले बुधबार काठमाडौंमा एक कार्यक्रम गरी आगामी चैतमा हुन लागेको महासंघको चुनावका लागि वरिष्ठ उपाध्यक्ष पदमा उम्मेदवारी दिने औपचारिक घोषणा गरेका हुन् । उनले आफ्नो उम्मेदवारी देशमा औद्योगीक वातावरण निर्माण गर्न, विदेशी लगानी भित्र्याउन, नयाँ प्रविधि भित्र्याउन र निजी क्षेत्रको सृजनात्मक भूमिका बढाएर व्यवसायीक हकहित र अधिकारका लागि सरकारसँग लविङ गर्न भएको दावी गरेका छन् । यसो त ढकाललाई सर्वसम्मत बनाउनका लागि पनि कुटनीतिक प्रयास भइरहेकोसमेत स्रोतको दावी छ।

हेर्नुहोस् उम्मेद्वारी घोषणाको भिडियो :

‘हराउनुपर्छ’ भन्ने गुटको छुट्टै बैठक !

यता सबैलाई मिलाएर लैजाने हैसियत राख्ने व्यवसायीका रुपमा परिचित चन्द्र ढकाललाई हराउन एफएनसीसीआइभित्रको ठुलो गुट लागि परेको पाइएको छ । ढकालले आफ्नो उम्मेद्वारी घोषणा गरेकै दिन उनलाई कसरी हराउन सकिन्छ भन्ने गोप्य बैठक काठमाडौँको एक रिसोर्टमा गरिएको छ । आइएमइ ग्रुपका कर्तुतहरु सार्वजनिक गरिरहेका केहि पत्रकारहरुलाई समेत बोलाइएको उक्त बैठकमा आइएमइ ग्रुपले गरेका केहि गलत धन्दाबारे पनि उपस्थितहरुले पत्रकारहरुलाई ब्रिफिङ गराएका थिए । यद्यपी उनीहरुले मिडियाको प्रयोग गर्न खोजेको नभई ढकाल समूहका गलत धन्दाहरु बाहिर नआएकोमा आफुहरु चिन्तित रहेको बताएका थिए ।