काठमाडौ । राष्ट्रियसभाका १८ सांसदहरु मंगलबार (आज) बाट दुई वर्षे कार्यकल पूरा गरी बिदा हुने भएका छन्। अर्थमन्त्रीसमेत रहेका डा. युवराज खतिवडाको कार्यकाल पनि आजबाटै सकिँदैछ । १८ जनाको स्थानमा गत माघ ९ गते नै निर्वाचन भएर नयाँ सांसदका रुपमा नेताहरु चयन भईसकेका छन् । उनीहरुको भोली बिहान ११ बजे संसद भवनमा सपथ ग्रहणको कार्यक्रम राखिएको बताइएको छ । 

दुईवर्षे कार्यकाल सकिने नेकपाका सांसदहरुमा हरिचरण शिवाकोटी, बलराम बास्कोटा, मीना बुढा, युटोल तामाङ, राजकुमार कुँवर, कमलाकुमारी ओली, कालिबहादुर मल्ल र खेमराज नेपाली रहेका छन् भने राजपाका वृशेषचन्द्र लाल र रमेशप्रसाद यादव तथा समाजवादीका रामप्रित पासवानको पनि २ वर्षे कार्यकाल सकिएको छ। 

यस्तै नेपाली कांग्रेसबाट राष्ट्रिय सभामा संसदीय दलका नेता सुरेन्द्रराज पाण्डे, सचेतक सरिता प्रसाईसहित विन्दादेवी आले, बद्री पाण्डे, मुक्ताकुमारी यादव र धनकुमारी खतिवडाको कार्यकाल सकिएको छ। अर्का सांसद दुर्गाप्रसाद उपाध्यायको भने निधन भइसकेको छ ।

५९ सदस्यीय राष्ट्रियसभामा कांग्रेसले १३ सिट पाएको थियो । जसमा चिठ्ठा तान्दा ७ जना कांग्रेस सांसद दुईवर्षे कार्यकालमा परेका थिए । मंगलबारनै राष्ट्रिय सभा वैठकमा बिदाई हुन लागेका सांसदहरुलाई मन्तब्य राख्न दिने तयारी राष्ट्रिय सभाले गरेको छ । 

यसो हुँदा ‘सेयर बजारमा कस्तो प्रभाव पर्ला ?’ भन्ने प्रश्न चौतर्फी चर्चाको विषय बनेको छ।