• अर्थ सरोकार सम्बाददाता 

काठमाडौँ – सिद्धार्थ बैंकले कोरोना भाइरसविरुद्ध लड्न लागि दुर्गम क्षेत्रमा बसोबास गर्ने अति विपन्नहरूलाई सहयोग गरेको छ । बैंकले विपन्न र दैनिक ज्यालादारी गरेर परिवार पाल्नेहरूलाई सहयोग गर्न स्थानीय तहहरूलाई आर्थिक सहयोग गरेको हो ।

सरकारले जारी गरेको लकडाउनका कारण खाद्यान्नमा समस्या भएकाहरूलाई राहत उपलब्ध गराउन बैंकले विभिन्न १७ वटा स्थानीय तहलाई शाखामार्फत ५ लाख १० हजा रुपैयाँ खर्च गरेको हो ।

बैंकले प्रति स्थानीय तहलाई ३० हजार रुपैयाँका दरले सहयोग गरेको जनाएको छ । बैंकले सामाजिक उत्तरदायित्व अन्तर्गत विभिन्न स्थानीय तहलाई विपद्को बेलामा आर्थिक सहयोग गरेको जनाएको छ ।