• अर्थ सरोकार सम्बाददाता

काठमाडौं । नेपाल राष्ट्र बैंकले नयाँ नक्सा राखी एक रुपैयाँ र दुई रुपैयाँको सिक्का निष्कासन गर्ने भएको छ  । सोमबार बसेको मन्त्रिपरिषद् बैठकले नयाँ नक्सासहितको सिक्का निष्कासनको स्वीकृति राष्ट्र बैंकलाई दिने निर्णय गरेको हो ।

यसअघिका नोट र सिक्काहरुमा पुरानो नक्सा छ । राष्ट्र बैंकले लिम्पियाधुरा, कालापानी, लिपुलेकलगायतका भूभाग समेटिएको नयाँ नक्सासहितको सिक्का निष्कासनको प्रक्रिया शुरु हुने पनि जनाएको छ ।