• अर्थ सरोकार सम्बाददाता 

काठमाडौं । अब बिराटचोक मोरङ्गकाे उपभोक्ताले खानेपानीको महसुल आइएमई पे वालेट मार्फत भुक्तान गर्न सक्ने भएका छन् । मंगलबारदेखि लागु हुने गरी आइएमई पे वालेटले यस्ताे सेवा सुरु गरेकाे हाे । उक्त सेवाकाे लागि आइएमई पे र बिराटचोक मोरङ्गस्थित इन्द्रपुर साना शहरी खानेपानी तथा सरसफाई आयोजना उपभोक्ता समितीबीच सम्झौता भएको छ । 

सम्झौता पत्रमा ‘आइएमई पे’ का तर्फबाट अधिकृत भवानी प्याकुरेल र इन्द्रपुर खानेपानीका संचालक सुजता चौलागाईंले हस्ताक्षर गरेका छन् । यस सम्झौताबाट करिब ६ हजार घरधुरी लाभान्वित हुनु कम्पनीले जनाएकाे छ ।