काठमाडौं । महालक्ष्मी विकास बैंकले आज शुक्रबारदेखि आफ्नो स्वामित्वमा रहेको ७० हजार ६६९ कित्ता संस्थापक सेयर बिक्रीमा ल्याएको छ । बैंकले आफ्नो स्वामित्वमा रहेको प्रुडेन्सियल इन्स्योरेन्सको सो संस्थापक सेयर बिक्रीमा ल्याएको हो । यसमा लगानीकर्ताले न्यूनतम ५०१ रुपैयाँ भाउ राखेर आवेदन दिन सक्नेछन् ।

लगानीकर्ताले यसलाई न्यूनतम मूल्य आधार मानेर सो वा सोभन्दा बढी मूल्य अंकित गरी बोलपत्र पेश गर्नुपर्नेछ । यो सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् भने यसमा असोज १५ गतेसम्म बोलपत्र पेश गर्न सकिनेछ । लगानीकर्ताले न्यूनतम १०० कित्ता र अधिकतम सम्पूर्ण कित्ताका लागि पनि आवेदन दिन सक्नेछन् ।