काठमाडौँ । नेपाल राष्ट्र बैंकले नबिल बैंकलाई नेपाल बंगलादेश बैंकलाई गाभ्नका लागि सहमति प्रदान गरेको छ । राष्ट्र बैंकको हालै बसेको सञ्चालक समितिको बैठकले नबिल बैंकलाई सो सहमति प्रदान गरेको हो । आगामी ६ महिनाभित्र नबिल बैंक र नेपाल बंगलादेश बैंकबीच एकीकृत कारोबार हुनेछ।

‘राष्ट्र बैंकको सञ्चालक समितिको बैठकले नबिल र बंगलादेश बैंकलाई एक्विजिसनमा जानका लागि सैद्धान्तिक सहमति दिने निर्णय गरेको हो ।’ राष्ट्र बैंकका एक उच्च कर्मचारीले अर्थ सरोकारलाई भने । जससँगै अब दुई बैंकलाई एक्विजिसनमा जान बाटो खुलेको छ।

सहमति पाएपछि ६ महिनाभित्र सबै मापदण्ड पूरा गरी एक्विजिसनमा गइसक्नुपर्ने कानुनी व्यवस्था छ। सोही व्यवस्था बमोजिम आउँदो ६ महिनाभित्र एकीकृत कारोबार हुनेछ । गत पुस २९ गते नबिल बैंकले नेपाल बंगलादेश बैंकलाई प्राप्ति सम्बन्धी समझदारी पत्रमा हस्ताक्षर गरेका थिए।