काठमाडौं । चिनमा कोरोना भाइरसको नयाँ संक्रमण ‘ओमिक्रोन बिएफ ७’ तिव्र गतिमा फैलिएपछि कागती किन्नेहरु बढेका छन् । पछिल्लो केही सातायता संक्रमण अस्वभाविक रुपमा फैलिन थालेपछि चिनमा ठूला शहरहरुमा कागती किन्नेहरुको होडबाजी चलेको छ ।

दैनिक ७ लाख जनामा ‘बिएफ ७’को संक्रमण फेला परेपछि चिनमा थप कडाई गरिएको छ । दैनिक ठूलो संख्यामा संक्रमण फेला परेसँगै चिनमा कागती किन्नेहरु बढेको अन्तराष्ट्रिय सञ्चार माध्यमले जनाएका छन् । कोरोना भाइरस विरुद्ध प्रतिरोधी क्षमता बढाउने भन्दै चिनमा कागती किन्नेहरु बढेको हुन् ।

योसँगै चिनका कतिपय शहरहरुमा कागतीको सर्टेज भएको छ । अन्तराष्ट्रिय सञ्चार माध्यमका अनुसार यसभन्दा अघि चिनमा यति धेरै कागतीको खपत भएको थिएन ।

कोरोना संक्रमणको आँकडा दिनानुदिन बढ्न थालेपछि चिनले दैनिक रुपमा कोरोनाको अपडेट सञ्चार माध्यमबाट सार्वजनिक नगर्न निर्देशन समेत दिएको छ ।