काठमाडौं । विन नेपाल लघुवित्त वित्तीय संस्था लिमिटेडले साधारण सेयरको थप सार्वजनिक निष्काशन (एफपीओ) जारी गर्ने भएको छ ।

संस्थाले १०० रुपैयाँ अंकित दरले कुल ५१ हजार २९३ कित्ता एफपीओ निष्कासन गर्ने भएको हो । साधारण सेयर प्रचलित कानुनबमोजिम अकिंत मूल्यमा प्रिमियम थप गरी थप सार्वजनिक निष्काशन तथा विक्रीका लागि नेपाल एसबीआई मर्चेन्ट बैंकिङ लिमिटेड निष्कासन तथा बिक्री प्रबन्धकमा नियुक्त भएको छ ।

नेपाल एसबिआई मर्चेन्टको काठमाण्डौको हात्तीसारस्थित कार्यालयमा आयोजित एक समारोहबीच बिक्री प्रबन्धक नियुक्तिसम्बन्धी सम्झौतापत्रमा नेपाल एसबिआई मर्चेन्टका प्रबन्ध सञ्चालक तथा प्रमुख कार्यकारी अधिकृत देवराज अधिकारी र विन नेपाल लघुवित्तका प्रमुख कार्यकारी अधिकृत वसन्तबहादुर शाक्यले हस्ताक्षर गरेका छन्  ।