काठमाडौं । पुरानो बसापार्क भ्युटावरका ठेकेदार मनोजकुमार भेटवाल पक्राउ परेका छन् । बैंकिङ कसुरको आरोपमा बुधबार जिल्ला प्रहरी परिसर काठमाडौंको टोलीले उनलाई पक्राउ गरेको हो ।

इनोभेटिभ कन्सेप्ट नेपाल प्रालिका सञ्चालकसमेत रहेका भेटवालविरुद्ध परेको बैंकिङ कसुरको उजुरीका आधारमा पक्राउ गरिएको काठमाडौं प्रहरी प्रमुख एसएसपी दानबहादुर कार्कीले जानकारी दिएका छन् ।

तत्कालीन एपेक्स डेभलपमेन्ट बैंकमा भएको डेढ अर्ब बढी घोटाला काण्डमा मुछिएका भेटवाल यसअघि पनि पक्राउ परिसकेका छन् । हाल भेटवालले काठमाडौंस्थित पूरानो बसपार्कमा २९ तलाको काठमाडौं भ्यू टावर निर्माणको काम गरिरहेका छन् ।