काठमाडौं । जनमत पार्टीका अध्यक्ष एवम् सांसद डा.सिके राउतले बजेटलाई जोडेर संसदीय उपनिर्वाचनमा भएको परिणामको तीतो पोखेका छन् ।

शुक्रबार प्रतिनिधिसभामा बजेटमाथिको मन्त्रालयगत छलफलमा सांसद राउतले यो देशमा बजेट लुट्नेहरुले गत बैशाखमा बारामा भएको उपनिर्वाचनमा बुथ लुटेको आरोप लगाए । ‘सरकारले जहाँ भए पनि लुट्ने क्रम जारी राखेको छ ।’, उनले भने, ‘गत बैशाखमा बारामा मतपेटिका लुटे, अहिले जेठमा आएर बजेट लुटे, बजेट बनाइएको होइन, बजेटमा लुटतन्त्र मच्चाइएको छ ।’

त्यस्तै, बैशाख १० गते भएको उपनिर्वाचनमा बारा क्षेत्र नम्बर २ बाट उपेन्द्र यादव विजयी हुँदा राउतको जनमत पार्टीका उम्मेद्वार शिवचन्द्रप्रसाद कुशवाह पराजित भएका थिए ।