काठमाडौँ । सालकको खपटा जस्तो देखिने वस्तु सहित व्यक्ति पक्राउ परेका छन् । जिल्ला रामेछाप, दोरम्बा गाउँपालिका वडा नं.६ घर भई हाल जिल्ला भक्तपुर, सुर्यविनायक नगरपालिका वडा नं. ८ कपाली चोकमा बस्ने ३४ वर्षीय शुकलाल तामाङ  पक्राउ परेका हुन् ।

संरक्षित वन्यजन्तु सालकको खपटा जस्तो देखिने आखेटोपहारको अवैध रुपमा ओसारपसार तथा खरिद विक्री गर्न लागेको भन्ने विशेष सूचनाको आधारमा प्रहरी अनुसन्धानका लागी खटेका थिए । वातावरण तथा वन्यजन्तुसँग सम्बन्धित अपराध रोकथाम नियन्त्रणका लागि मिति २०८०-०६-२३ गते केन्द्रीय अनुसन्धान व्यूरो महाराजगंजबाट खटिएको प्रहरी टोलीले सो व्यक्तिलाई पक्राउ गरेको हो ।

त्यस्तै, प्रहरी टोलीले उक्त व्यक्तिलाई थप अनुसन्धान तथा कारवाहीका लागि मिति २०८०-०६-२४ गते डिभिजन वन कार्यालय भक्तपुरमा बुझाएको नेपाल प्रहरी प्रधान कार्यलय केन्द्रिय अनुसन्धान ब्युरोले जनाएको छ ।