काठमाडौं । कुमारी बैंकले  नयाँ योजना ल्याएको छ । बैंकले दशैंलाई लक्षित गर्दै आफ्ना बचत खातावालाहरुका लागि आकर्षक सुविधासहित ‘बडा दशैं दक्षिणा’ र ‘ क्यास व्याक अफर’ योजना सार्वजनिक गरेको हो ।

नेपाली बैंकिङ क्षेत्रमा अग्रपंक्तिमा रहेको कुमारी बैंक लिमिटेडकोे ‘ क्यास व्याक अफर’ योजनाले  दशैंको हर्षोल्लासलाई थप अभिवृद्धि गर्ने बैंकले जनाएको छ । सो योजनामा  कार्ड तथा मोबाइल बैंकिङमार्फत भुक्तानि कारोबार गर्दा हरेक दिन पहिलो ५०-५० जनालाई बैंकद्धारा २५ प्रतिशत  अधिकतम ५ सय १ रुपैयाँसम्म क्यास व्याक अफर प्रदान बैंकले गर्नेछ । क्यास व्याक अफर रकम पीओएस, क्यूआर पेमेन्ट तथा अनलाइन पेमेन्टबाट गरीने कारोबारमा प्रदान गर्ने बैंकले  जनाएको छ ।

साथै, कुमारी बैंक लिमिटेडले बडा दशैं को विशेष दिन विजया दशमीका दिन आफ्ना ग्राहकहरुलाई थप आकर्षक सुविधा सहित  ‘क्यास व्याक अफर’ सँगै ‘बडा दशैं दक्षिणा’ योजनासमेत सार्वजनिक गरेको छ ।  यस योजनामा कात्तिक ७ गते विजया दशमीका दिन मोबाइल बैंकिङ मार्फत रकम स्थानान्तरण कारोबार गर्दा नदोहोरिने गरी पहिलोे १४ सय जना ग्राहकहरुलाई बैंकद्धारा ५० रुपैयाँ क्यास व्याक अफर  दिइने जनाएको छ ।

बैंकका अननुसार, ‘क्यास व्याक अफरका लागि योग्य हुन न्युनतम कारोबार सय रुपैयाँ हुनुपर्नेछ । माथि उल्लेखित दुवै  अफरहरु विहान ८ बजे देखि राति ११:५९ बजेसम्म गरीएका कारोबारमा लागु हुनेछ ।’

कुमारी बैंकले देशभर रहेका ३ सय ८ शाखा प्रधान कार्यालय बाहेक, ४८ वटा विस्तारित काउन्टर, ३ सय ९ एटिएम र ६४ शाखारहित बैंकिङ एकाइहरूबाट सेवा दिरहेको छ ।