काठमाडौँ । ठूलो खोला हाइड्रोपावरले पहिलो वार्षिक साधारण सभा गर्ने भएको छ । सभा कम्पनीको कार्यालय काठमाडौँ महानगरपालिका २२ खिचापोखरीमा मंसिर २९ गते हुने भएको हो ।

सभाले आर्थिक वर्ष २०७९-८० को वार्षिक प्रतिवेदन छलफल गरी पारित गर्ने भएको छ । साथै, चालू आर्थिक वर्षको लागि लेखापरिक्षकको नियुक्ती गर्ने र निजको पारिश्रमिक निर्धारण गर्ने प्रस्तावसमेत पारित गर्ने भएको हो ।

त्यस्तै, सभाले आइपीअ‍ो निष्कासनको लागि आवश्यक प्रक्रिया अगाढि बढाउन सञ्चालक समितिलाई अख्तियारी दिने प्रस्ताव पनि पारित गर्नेछ । सभाले अन्य परियोजनाहरुमा लगानी गर्ने लगायतका सम्पूर्ण कार्य गर्न सञ्चालक समितिलाई अख्तियारी दिने प्रस्ताव पारित गर्ने भएको छ ।

सभाले प्रबन्धपत्र तथा नियमावलीमा संशोधन गर्ने लगायतका विशेष प्रस्ताव पारित गर्ने कम्पनीले जनाएको छ ।