काठमाडौं ।  पद्मकन्या क्याम्पसका विद्यार्थीहरुले  हल्ट पुरस्कार अभिमुखीकरण कार्यक्रम सम्पन्न गरेका छन् । विद्यार्थीहरुले पद्मकन्यामा हल्टको इतिहास र हल्टको इतिहाससँगै ३ दिनको अभिमुखीकरण कार्यक्रम सम्पन्न गरेका हुन् । सो कार्यक्रममा ५०० भन्दा बढी विद्यार्थीहरुको सहभागिता रहेको थियो । सो अभिमुखीकरण कार्यक्रम सोच-उत्तेजक वक्ताहरू र जीवन्त सत्रहरूले भरिएको परिवर्तनकारी यात्राको सुरुवात भएको क्याम्पस डाइरेक्टर सृष्टि थापा मगरले बताएकी छिन् ।

विद्यार्थीहरुले कार्यक्रमको पहिलो दिन पद्मकन्या क्याम्पसमा हल्टको इतिहास र हल्टको इतिहासबाट कार्यक्रम सुरुवात गरेका थिए । हल्ट प्राइज अनुभवी  स्वप्निल विष्ट र सरिना बुढाथोकीको नेतृत्वमा र सायस्था अधिकारी र समीक्षा पालको पहलमा कार्यक्रम संचालन भएको थियो ।

सो कार्यक्रम एउटा औपचारिक अन्तरक्रिया मात्र नभई नयाँ आशा र उमङ्गको एउटा सुनौलो सुरुवात भएको आयोजकहरु बताउँछन् । यस्तै सो कार्यक्रमका सहभागीहरुका हरेक जिज्ञासाहरुमा स्वप्निल विष्ट जवाफ पनि दिएकी छिन् ।  उक्त कार्यक्रममा सहभागी विद्यार्थीहरुलाई रोमाञ्चक खेल पनि खेलाइएको थियो । साथै सहभागी, अतिथि र आयोजक समितिबीच अन्तरक्रिया पनि भएको थियो । यसैगरी विद्यार्थीहरुले हल्ट पुरस्कारको पूर्व विजेता सुश्री समीक्षा खड्काको सफलताको कथासहित कार्यक्रम सम्पन्न गरेका थिए ।

यता कार्यक्रमको दोस्रो दिन भने विशेष अतिथि प्रकाश काफ्लेसहित उनका टोलीहरूले आफ्नो यात्रा र अगाडिको भूमिकाबारे विद्यार्थीहरुलाई बताएका थिए । यस्तै विश्वको जल्दाबल्दा समस्याहरू कसरी समाधान गर्नेबारे छलफल हुनुका साथै आगामी यात्रामा आउने सम्भावित समस्यालाई कसरी समाधान गर्ने कुरामा पनि बिशेष छलफलक साथ सो दिन को कार्यक्रम सम्पन्न भएको थियो ।

कार्यक्रमको दोस्रो दिन भने  हल्ट पुरस्कारको क्षेत्रीय प्रबन्धकसँगै देश संयोजकहरूसंग को बिशेष छलफलका साथ सो कार्यक्रम सम्पन्न भएको थियो । सो अभिमुखीकरणमा साथ र सहयोग गर्ने सम्पूर्ण व्यक्तिहरुलाई आयोजक टिमले धन्यवाद समेत दिएका छन्। बाँकी फोटो फिचरमा हेर्नुहोस्ः