काठमाडौँ । नेपालका बैंक तथा वित्तीय संस्थाबाट साढे १८ लाख ऋणीहरुले झण्डै ५० खर्ब रुपैयाँ ऋण लिएको पाइएको छ । राष्ट्र बैंकले सार्वजनिक गरेको तथ्यांकअनुसार मंसिर मसान्तसम्म ४९ खर्ब ९७ अर्ब २१ करोड ५० लाख रुपैयाँ ऋण १८ लाख ५८ हजार ३ सय ५५ जना ऋणीले चलाएको पाइएको हो ।

जसमध्ये १५ लाख २७ हजार ८ सय १४ जना ऋणीले वाणिज्य बैंकबाट ऋण लिएका छन् भने २ लाख ८८ हजार ५ सय ७५ जना ऋणीले विकास बैंक र ४२ हजार ६६ लाख जना ऋणीहरुले विभिन्न बैंक तथा वित्त कम्पनीहरुबाट ऋण लिएका छन् ।

सोही अवधिमा वाणिज्य बैंक, विकास बैंक तथा वित्त कम्पनीहरुले ५ करोड ३३ लाख ३ हजार ३ सय ७८ खाताबाट कूल ६० खर्ब १८ अर्ब ९६ करोड १० लाख रुपैयाँ निक्षेप संकलन गरेका छन् ।