पछिल्लो समय बैंकमा जागिर खानका लागि तयारी गरिरहेकाहरुको संख्या निकै बढी भए पनि अधिकांश विद्यार्थी बैंकको लिखित परिक्षामा नै फेल हुने गरेको तथ्यलाई मध्येनजर गर्दै अर्थ सरोकारले यस्तो व्यवस्थासहितको प्लेटफर्म सार्वजनिक गरेको हो ।

‘पछिल्लो समय बैंकको जागिरका लागि तयारी गरिरहेकाहरु धेरै हुन्छन् । त्यसमाथि पनि व्यवस्थापन पढेकाहरुमध्ये त धेरैको सपना बैंकमा नै जागिर खाने हुन्छ । तर तयारीका लागि चाहिने मोडल परिक्षा निकै कम मात्र पाइने, पाइएका मोडल परिक्षा दिन पनि कतिपय कोचिङ सेन्टरमा धाउनुपर्ने बाध्यता भएको पाइएपछि ती सबै बाध्यताहरुबाट विद्यार्थीहरुलाई मुक्त गराउन हामीले ‘बैंकर दाई’ प्लेटफर्ममा यस्तो परिक्षाको सुविधा ल्याएका हौँ ।’ अर्थ सरोकार डटकमका प्रबन्ध निर्देशक सुरज प्याकुरेलले भने, ‘अर्थ सरोकारको बैंकर दाई प्लेटफर्ममा अव विद्यार्थीहरुले अनलाइनमार्फत मोडल परिक्षा दिन पाउनेछन् । विद्यार्थीले दिएको परिक्षाको परिक्षा सक्नेबितिकै सो परिक्षाको नतिजा त आउँछ नै, परीक्षार्थीले दिएको कुन प्रश्नको जवाफ मिलेन, कुन प्रश्नको जवाफ मिल्यो, परीक्षार्थीले कति समयमा परिक्षा सक्काउनुभयो भन्ने नतिजा पनि तुरुन्त आउनेछ । एमसीक्युज मोडलमा आधारित सो मोडल परिक्षाले विद्यार्थीहरुको तयारीलाई थप मजबुत बनाउने विश्वास हामीले लिएका छौँ ।’

अर्थ सरोकारको बैंकर दाई प्लेटफर्ममार्फत अव सबै बैंक तथा वित्तीय संस्थाको भ्याकेन्सी नोटिसहरु पनि अव एकै ठाउँमा हेर्न पाइने भएको छ । नेपालका कुनै पनि बैंक तथा वित्तीय संस्थाहरुले सार्वजनिक गर्ने भ्याकेन्सी नोटिस अव सहजै अर्थ सरोकारको बैंकर दाई प्लेटफर्ममा उपलब्ध हुनेछ । कुन बैंकले कुन पोष्टका लागि भ्याकेन्सी निकाल्यो, सो भ्याकेन्सीमा अनलाइन आवेदन कसरी दिने, सो भ्याकेन्सीको डेटलाइन कहिलेसम्म छ भन्ने जनाकारीसहितको विवरण बैंकर दाई प्लेटफर्ममा उपलब्ध हुनेछ ।