काठमाडौँ । कोरियन भाषा परीक्षाका लागि आवेदन दिने समय दुई दिन थप गरिएको छ । वैदेशिक रोजगार विभागले सीप बिल्डिङमा सहभागी परीक्षार्थीहरुका लागि उत्पादनमूलक क्षेत्रमा भाषा परीक्षा फाराम भर्न दुई दिन म्याद थप गरेको हो ।

यसअघि फाराम भर्ने मिति पुष १६ गतेदेखि १८ गते तोकिएको भए पनि अहिले फाराम भर्ने मिति पुष २० गतेसम्म लम्ब्याइएको रोजगार अनुमति प्रणाली (ईपीएस) कोरिया शाखाले जनाएको छ ।

भाषा परीक्षाको फाराम भर्ने पहिलो दिन सिस्टममा देखिएको समस्या र बालकुमारीमा भएको अप्रिय घटनाकाका कारण सीप बिल्डिङमा फाराम भरेका थप परीक्षार्थीसमेत सहभागी हुनसक्ने भन्दै समय थप गरिएको कोरिया शाखाले जनाएको छ ।

योसँगै अब कोरियन भाषा परीक्षाका लागि पुष २० गते (शुक्रबार) सम्म आवेदन दिन सकिनेछ ।