काठमाडौँ । राष्ट्रिय क्रिकेट टिमका पूर्वकप्तान सन्दीप लामिछानेलाई अमेरिका जान ‘भिसा दे’ भन्दै काठमाडौँमा प्रदर्शन गरिएको छ । विश्वकप खेल्न जान अमेरिकी दूतावासले सन्दीपको भिसा अस्वीकृत गरेपछि सन्दीपका समर्थकहरुले प्रदर्शन गरेका हुन् । 

बुधबार काठमाडौँको माइतीघर मण्डलामा भेला भएर सन्दीपका समर्थकहरुले दुतावासलाई दबाब दिन विरोध प्रदर्शन गरेका छन् । लामिछानेलाई भिसा नदिए नेपालस्थित अमेरिकी राजदूतावासमा धर्ना बस्नेसमेत उनीहरुको चेतावनी दिएका छन् ।

उनीहरुले लामिछानेलाई टी–२० विश्वकपकपबाट बञ्चित गराउने षड्यन्त्र भइरहेको उल्लेख गर्दै उनलाई अमेरिका पठाउन सरकारीस्तरबाट पहल हुनुपर्ने बताएका छन् । 

प्रदर्शनका क्रममा सन्दीपका समर्थकहरुले ‘सन्दीपलाई भिसा दे’, ‘सन्दीपलाई विश्वकप खेल्न दे’ लगायतका नारा लगाएका थिए । सन्दीप लामिछाने भिसाका कारण अमेरिका उड्न नसके पनि नेपाल क्रिकेट संघ क्यानका पदाधिकारी परिवारसहित आज अमेरिकातर्फ प्रस्थान गरेका छन् । बाँकी फोटो फिचरमा हेर्नुहोस्ः