काठमाडौँ । बैंक तथा वित्तीय संस्थाहरूले ४० अर्ब रुपैयाँ बराबरको शंकास्पद कारोबार गरेको पाइएको छ । नेपाल राष्ट्र बैंकले सोमबार सार्वजनिक गरेको प्रतिवेदन अनुसार सन् २०२३ मा ४० अर्ब रुपैयाँ बराबरको शंकास्पद कारोबार तथा गतिविधि भएको हो ।

राष्ट्र बैंकको प्रतिवेदन अनुसार सबैभन्दा धेरै शंकास्पद कारोबार वाणिज्य बैंकहरुमा भएको छ । वाणिज्य बैंकमा मात्रै ३८ अर्ब ७२ करोड ८७ लाख रुपैयाँ बराबरको शंकास्पद कारोबार भएको छ । साथै, बैंकमा ५ हजार २ सय ८२ वटा शंकास्पद कारोबार भएको छ ।

यस्तै, दोस्रोमा विकास बैंकको सबैभन्दा धेरै शंकास्पद कारोबार भएको छ । उक्त बैंकबाट २०२३ मा ४७ करोड २२ लाख रुपैयाँ बराबरको कारोबार भएको छ । विकास बैंकमा ३ सय ३० वटा शंकास्पद कारोबार भएको छ ।

यता लघुवित्तमा २४, राष्ट्र बैंकमा ११ र मर्चन्ट बैंकरमा एउटा शंकास्पद कारोबार भएको राष्ट्र बैंकको प्रतिवेदनले देखाएको छ ।