काठमाडौँ । एनएमबी बैंकमा लुटको प्रयास भएको छ । शनिबार मध्यरातमा दाङको तुलसीपुरमा एनएमबी बैंक लुटको प्रयासमा एक जना पक्राउ परेका हुन् । पक्राउ पर्नेमा तुलसीपुर-१८ दुधराशका २७ वर्षीय सन्तोष चौधरी रहेका छन् ।

चौधरीलाई तुलसीपुर उपमहानगरपालिका-५ मा रहेको बैंकमा चोरी गर्ने क्रममा प्रहरीले पक्राउ गरेको हो । प्रहरीका अनुसार चौधरी राति करिब २ बजे बैंकको गेटको ताला तोडेर भित्र छिरेका थिए ।

उनको साथबाट प्रहरीले ताला तोड्ने हथौडा, छिना, र पिलास फेला परेको छ भने रा ५ प ९७९ नम्बरको स्कुटर समेत बरामद गरिएको छ ।

हाल चौधरीलाई नियन्त्रणमा लिएर थप अनुसन्धान भइरहेको छ ।