काठमाडौँ । राष्ट्रिय स्वतन्त्र पार्टी (रास्वपा)का सभापति रवि लामिछानेलाई प्रहरी हिरासतमा लगिएको छ । 

काठमाडौँ जिल्ला अदालतमा आइतबार थुनछेक बहस नसकिएपछि अदालतले रविलाई प्रहरी हिरासतमा पठाउने आदेश दिएको हो । अदालतको यस्तो आदेशसँगै उनलाई प्रहरी परिसर, काठमाडौँको हिरासतमा लगिएको छ । 

रविलाई सोमबार पुनः अदालतमा पेश गरिनेछ । 

पोखराको सूर्यदर्शन सहकारी प्रकरणमा पक्राउ परेका रविलाई कास्की जिल्ला अदालतले ६५ लाख धरौटीमा रिहा गरेसँगै उनी आइतबार बिहानै काठमाडौँ जिल्ला अदालतमा उपस्थित भएका थिए । 

काठमाडौँको स्वर्णलक्ष्मी सहकारी ठगी प्रकरणमा उनीसहित ३९ जनाविरुद्ध सहकारी ठगी र संगठित अपराधको कसुरमा मुद्दा दर्ता भएको छ ।