काठमाडौँ । वैदेशिक रोजगारीका लागि विभिन्न देश पठाउने भन्दै रकम ठगी गर्ने दुई जनालाई प्रहरीले पक्राउ गरेको छ । पक्राउ पर्नेमा ३१ वर्षिया नविना दाहाल घिमिरे र ४३ वर्षीय लक्षुमन साह तेली रहेका छन् ।

उनीहरुलाई पीडितले दिएको उजुरीका आधारमा काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले पक्राउ गरेको हो ।

प्रहरीका अनुसार नविना दाहाल घिमिरेले युके पठाउने भन्दै ५२ लाख र लक्षुमन साह तेलीले कतार पठाउने भन्दै ६ लाख रुपैयाँ ठगी गरेर सम्पर्क विहीन भएका थिए ।

हाल उनीहरुलाई पक्राउ गरी थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।