काठमाडौँ । बैंकिङ कसुर मुद्दाकि फरार प्रतिवादी पक्राउ परेकी छिन् । बैंकमा पैसा नहुँदा नहुँदै पनि चेक दिएर बैंकिङ कसुर गर्ने ५१ वर्षीया दुर्गा देवी गुरुङ पक्राउ परेकी हुन् ।

गुरुङको स्थाई ठेगाना संखुवासभा चिचिला गाउँपालिका वडा नं. ०१ हो भने हाल उनी काठमाडौँको कगेश्वोरी मनोहरा नगरपालिका वडा नं. ०६ खहरे बस्दै आएकी छिन् ।

उनलाई काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले  साउन १४ गते खहरेबाट पक्राउ गरेको हो ।

उच्च अदालत पाटनले मिति २०७९/११/२३ गते गुरुङविरुद्द ३ लाख जरिवाना, १ दिन कैद र क्षतिपुर्ति वापत १२ हजार तिर्नुपर्ने फैसला गरेको थियो । अदालतको फैसलापश्चात उनी फरार भएकी थिइन् ।

हाल गुरुङलाई फैसला कार्यान्वयनका लागि काठमाडौँ जिल्ला अदालत पठाईएको प्रहरीले जनाएको छ ।