काठमाडौँ । शिक्षामन्त्री महावीर पुनले बढीमा तीन महिनाभित्र परीक्षाफल सार्वजनिक गर्न विश्वविद्यालयहरुलाई निर्देशन दिएका छन् । 

उनले केही विश्वविद्यालयले परीक्षा लिएर परीक्षाफल निकाल्न ८ महिनादेखि एक वर्षसम्म लगाउने गरेको भन्दै विश्वविद्यालयहरुलाई परीक्षा लिएको बढीमा तीन महिनाभित्र अनिवार्य रुपमा परीक्षाफल सार्वजनिक गर्न निर्देशन दिएका हुन् ।

परीक्षाफल ढिलो सार्वजनिक हुँदा त्यसले विद्यार्थीलाई क्षति पुग्ने गरेको बताउँदै त्यसो नगर्न पुनले निर्देशन दिएका छन् । समयमै परीक्षाफल सार्वजनिक नगरे विश्वविद्यालयले पाउँदै आएको अनुदान रोक्ने पुनले चेतावनीसमेत दिएका छन् ।