काठमाडौं । नेप्सेमा अपि पावर र ङादी ग्रुप पावरको बोनस सेयरमा मूल्य समायोजन भएको छ । जसमा अपि पावरको १०.५ प्रतिशत बोनस सेयरमा मूल्य समायोजन भएको छ । समायोजनपछिको भाउ ४७८ रुपैयाँ ७३ पैसा कायम भएको छ । बिहीबार नेप्सेमा कायम भएको अन्तिम मूल्य ५२९ रुपैयाँका आधारमा भाउ समायोजन गरिएको हो । यसआधारमा अब अपिको आइतबार पहिलो कारोबार यही ४७८ रुपैयाँ ७३ पैसालाई आधार मानेर खुल्नेछ ।

यस्तै ङादी ग्रुप पावरको २० प्रतिशत बोनस सेयरमा पनि मूल्य समायोजन भएको छ । समायोजनपछिको भाउ ८०७ रुपैयाँ ५० पैसा कायम भएको छ । बिहीबार नेप्सेमा कायम भएको अन्तिम मूल्य ९६९ रुपैयाँका आधारमा भाउ समायोजन गरिएको हो । यसआधारमा अब ङादीको आइतबार पहिलो कारोबार यही ८०७ रुपैयाँ ५० पैसालाई आधार मानेर खुल्नेछ ।