काठमाडौं । साताको कारोबारको पहिलो दिन अर्थात माघ महिनाको पहिलो कारोबारको दिन आइतबार नेप्से परिसूचकमा उत्साहजनक बढोत्तरी देखिएको छ । बिहिबारको तुलनामा नेप्से परिसूचक ६९.०० अंकले बढेर २९२६.७४ बिन्दुमा पुगेको हो । नेपाल स्टक एक्सचेन्ज (नेप्से) का अनुसार आइतबार कुल २२९ कम्पनीको १ करोड ८२ लाख ५४ हजार ४२५ कित्ता सेयर खरिद बिक्री हुँदा ९ अर्ब ६७ करोडमाथिको सेयर कारोबार भएको छ । आज सबैभन्दा बढी कारोबार अरुण भ्याली हाइड्रोपावरको भएको छ । यस कम्पनीको ३६ करोड ४३ लाख १७ हजार ५३१ रुपैयाँ बराबरको सेयर कारोबार भएको हो ।

यसैबीच आइतबारको बजारमा सबैभन्दा बढी कारोबार अरुण भ्याली हाइड्रोपावरको भएको छ । यस कम्पनीको ३६ करोड ४३ लाख १७ हजार ५३१ रुपैयाँ बराबरको सेयर कारोबार भएको हो । यस अलावा अपि पावर कम्पनी, अपर तामाकोशी हाइड्रोपावर, शिवम् सिमेन्ट, निफ्रा, हाईड्रोइलेक्ट्रीसिटी इन्भेष्टमेन्ट एण्ड डेभलपमेन्ट कम्पनी, नेपाल टेलिकम, हिमालयन डिस्टिलरी, न्यादी ग्रुप पावर र नबिल बैंकको पनि अत्याधिक कारोबार भएको छ । हेर्नुहोस् आइतबारको सेयर बजारमा सर्वाधिक कारोबार हुने कम्पनीहरुको सूचीः