काठमाडौं । सरकारले सार्वजनिक यातायातको भाडा बढाउने भएको छ । मन्त्रालयले व्यवसायीको मागलाई सम्बोधन गर्दै यात्रुवाहक तथा मालवाहक सवारी साधनको भाडा १० प्रतिशत देखि १५ प्रतिशतसम्म बढाउने निर्णय गरेको हो ।

बिहीबार यातायातमन्त्री यादवले भाडा समायोजन गर्ने निर्णय गरेकी हुन् । चैत २० गते आइतबारदेखि नयाँ भाडादर लागू हुने भएको छ ।

पेट्रोलियम पदार्थको उच्च मूल्य वृद्धिका कारण व्यवसायीहरुले पटक-पटक भाडा वृद्धि गर्न सरकारलाई दबाब दिँदै आएका थिए ।

सोही दबाबपछि सरकारले भाडा समायोजन गरेको हो । यता सार्वजनिक यातायातको भाडा वृद्धि हुँदा भने सर्वसाधारण यात्रुहरु मारमा परेका छन् ।