काठमाडौं । निर्धन उत्थान लघुवित्त वित्तीय संस्था लिमिटेडले सेयरधनीलाई २० प्रतिशत लाभांश दिने घोषणा गरेको छ ।

१९ पुसमा बसेको संस्थाको सञ्चालक समितिको बैठकले गत वर्षको मुनाफाबाट सेयरधनीलाई सो लाभांश दिने प्रस्ताव गरेको हो ।

संस्थाको हाल कायम चुक्ता पूँजीको १९ प्रतिशत बोनस सेयर र १ प्रतिशत नगद लाभांश गरी कुल २० प्रतिशत लाभांश प्रस्ताव गरेको संस्थाले जनाएको छ ।

लघुवित्तले प्रस्ताव गरेको सो लाभांश नेपाल राष्ट्र बैंकको स्वीकृति र आगामी वार्षिक साधारणसभाबाट पारित भएसँगै सेयरधनीमाझ वितरण गरिनेछ ।