काठमाडौँ । अहिले आशा लघुवित्तका १९७ कर्मचारी आन्दोलनमा छन् । संस्थाका कामु सीइओ बद्रीप्रसाद दुलालसहितको टोली आएर कर्मचारीलाई दुर्व्यवहार गरेको, मापसे सेवन गरेर कार्यालय आएको, कर्मचारीलाई काम चोर भनेको, घर पठाईदिन्छु भनेर धम्की दिएको, मोबाइल जफत गरी व्यक्तिगत प्रोफाइल हेर्ने गरेको, प्रोफाइल हेरेपछि होच्याएर बोल्ने गरेको, सुरुदेखिकै खराब कर्जा नउठाए तिमीहरुले तिर्नुपर्छ भनेको, राती राती धम्क्याउने गरेको, मानसिक तनाव दिनेगरेको लगायतका आरोप लगाउँदै कर्मचारीहरुले दुलालको राजीनामा नै पहिलो सर्त राखेर आन्दोलन गरिरहेका छन् । संस्थाले पनि उनीहरुलाई वार्तामा बोलाउनुको साटो, उनीहरुको राजिनामा स्वीकृत गरिदिने भन्दै पत्राचार गरेको छ । त्यसपछि कर्मचारीहरुले पनि एकल रुपमा सोधिएको स्पष्टिकरणको जवाफ नदिने बरु आन्दोलन चर्काउने निर्णय गरेका छन् । यसैबीच अर्थ सरोकारले कामु सीइओ दुलालसँग यसै विषयमा कुराकानी गरेको छ ।

खासमा मलाई सञ्चो नभएर हो । मोबाइल ‘साइलेण्ट’मा राख्ने गरेको छु । अहिले देखेर उठाईहालेँ।

साथीहरुले सामुहिक राजिनामा दिएको भन्ने कुरा जानकारीमा आयो । तर अचानक किन यस्तो कुरा आयो, हामी पनि छक्क परेका छौँ । अहिले संस्थामा आन्दोलन नै गर्नुपर्ने, वा बिग्रिसकेको केहि छ जस्तो मलाई लाग्दैन । तर पनि उहाँहरुले किन आन्दोलन गर्नुभयो भन्ने कुरा हामी पनि बुझ्दैछौँ।

सामुहिक राजिनामा आएको हो । तर, त्यसभित्रकै केहि साथीहरुले पनि हाम्रो नाम दुरुपयोग भयो, हस्ताक्षर दुरुपयोग भयो भनेर खबर गर्नुभएको छ । त्यसपछि हामीले सबैलाई फोन गरेर सो सामुहिक राजिनामामा तपाईंको सहमति हो कि होइन भनेर सोधेका छौँ । त्यसपछि आवश्यक निर्णय गर्ने भन्ने छ ।

धम्की दिएको होइन । राजिनामामा तपाईंको नाम पनि रहेछ, तपाईंको सहमति हो कि होइन भनेर सोध्न त पाइयो नि । होइन र ? हामीले त्यहि गरेका हौँ । अव राजिनामा स्वीकृत गर्ने कि नगर्ने भन्ने विषयमा छलफल गर्न बाँकी छ ।

यो सब झुट हो । अलि ढिलासम्म अफिस गएको सत्य हो । बाहिर हिँडेपछि काम सक्काऔँ भन्ने हुन्छ, त्यहि भएर केहि शाखामा हामी कार्यालय समयपछि गएको पनि हो । त्यतिबेला कर्मचारी नै खुसी थिए, केन्द्रीय कार्यालयबाट सरहरु आउनुभयो, भेट्न पाइयो भन्नुहुन्थ्यो । अहिले अनावश्यक आरोपहरु लगाईरहनुभएको छ । एक त म रक्सी खाएर बाहिर हिड्ने डुल्ने मान्छे नै होइन, त्यसमाथि आफ्नै साखाहरुमा रक्सी खाएर गयो भन्ने आरोप निराधार छ । धम्काएको, विना कारण टर्चर दिएको भन्ने विषयमा पनि कुनै सत्यता छैन । हामीलाई कार्यालयको कामसँग मतलव हो । अरु सबै आरोप निराधार छन् ।

रक्सि खाएर अनुगमनमा आए भन्ने कुराचाहिँ गलत हो । हाम्रो तहको मान्छे शाखामा जाँदा रक्सी खाएर जान्छ र ? त्यसो गर्दा त मलाई पनि म भन्दा माथिको निकायले छोड्दैन नि, होइन र ?

लिखित रुपमा केहि भनेको छैन । फोनमा कुराकानी हुँदा यस विषयमा चासो दिनुभएको छ । यति हो ।