काठमाडौँ । नेपालका बैंकर, बैंकका ऋणी र बैंकिङ तयारी गरिरहेकाहरुका लागि छुट्टै सामाजिक सञ्जालसहितको प्लेटफर्म सार्वजनिक भएको छ । अर्थ सरोकार डटकमले बैंकर दाई सब डोमेन राखेर सार्वजनिक गरेको सो सामाजिक संजालमा सदस्य भई बैंकका कर्मचारी, तथा बैंकको जागिरका लागि तयारी गरिरहेकाहरुले विभिन्न खाले छलफलमा भाग लिन सक्नेछन् ।

‘बैंकिङ चौतारी’ नाम दिईएको सो सामाजिक सञ्जालमा बैंकमा काम गरिरहेका कर्मचारी र बैंक जागिरका लागि तयारी गरिरहेकाहरुले सहभागीता जनाउन सक्नेछन् । सो प्लेटफर्ममार्फत बैंकर तथा बैंकिङको तयारी गरिरहेकाहरुले करियर र कामको गफ गर्न सक्नेछन् । यसलाई सिकाउने र सिक्ने थलोको रुपमा बिकास गर्न खोजिएको अर्थ सरोकार डटकमका प्रबन्ध निर्देशक सुरज प्याकुरेलले जनाएका छन् ।

‘बैंकिङको तयारी गरिरेहकाहरुलाई बैंकमा काम गरिरहेकाहरुले सहयोग गर्न सक्छन् । बैंकरहरुबीच पनि कामको र बैंकिङ क्षेत्रमा भईरहेको समसामयिकक विषयमा कुरा हुन सक्छ । बैंकका कर्मचारीहरुलाई कुनै कानुनी जटिलता पर्यो भने पनि हामीले ‘वकिल अङ्कल’ नाम दिएर सहयोग डेस्क स्थापना गरेका छौँ । यसले बैंकका समग्र कर्मचारीहरुलाई सहयोग पुग्ने विश्वास हामीले लिएका छौँ ।’ प्रबन्ध निर्देशक प्याकुरेलले भने ।