काठमाडौँ । काम खोज्दै विदेश जाने नेपालीको संख्या बढेको छ ।  चालु आर्थिक वर्षको १० महिनामा काम खोज्दै ६ लाख ८५ हजार ९ सय २५ जना युवा विदेश गएका हुन् । यो संख्या अघिल्लो आर्थिक वर्षको सोहि अवधिको तुलनामा १२.५० प्रतिशतले धेरै हो ।

वैदेशिक रोजगार विभागका अनुसारका अनुसार अघिल्लो वर्षको सोहि अवधिमा ६ लाख ९ हजार ७०५ जनाले श्रम स्वीकृति लिएर विदेश गएका थिए ।

विभागका अनुसार २०८१ साउनमा ५९ हजार ५७५, भदौमा ५७ हजार ४९३, असोजमा ५३ हजार ५२५, कात्तिकमा ७० हजार ९९० र मंसिरमा ८४ हजार २२६, जनाले वैदेशिक रोजगारीमा जान श्रम स्वीकृति लिएका छन् ।

यसैगरी, पुसमा ६७ हजार २५८, माघमा ७२ हजार ४४१, फागुनमा, ६८ हजार ९६३, चैतमा ७३ हजार ४०३ र वैशाखमा ७८ हजार ५० जनाले वैदेशिक रोजगारीमा जान श्रम स्वीकृति लिएका छन् । विभागका अनुसार यो संख्या नयाँ श्रम स्वीकृति लिएर र पुनः श्रम स्वीकृति लिएर जानेको हो ।