काठमाडौँ । सेयर लगानीकर्ता शिवचन्द्रले नेपाल राष्ट्र बैंकले सार्वजनिक गरेको आगामी आर्थिक वर्षको मौद्रिक नीतिलाई ‘ए ग्रेड’ दिँदा फरक नपर्ने बताएका छन् । 

मौद्रिक नीति सार्वजनिक भए लगत्तै सामाजिक सञ्जाल फेसबुकमा प्रतिक्रिया दिँदै उनले मौद्रिक नीति खुकुलो पारिँदै लगिएको भन्दै यसपटकको मौद्रिक नीतिलाई ‘ए ग्रेड’ दिँदा फरक नपर्ने बताएका छन् । 

उनले लेखेका छन्ः 

मौद्रिक नीति मार्फत सेयर बजारलाई टुच्च सम्बोधन भएका दुई मुख्य बुँदाहरू:
१. व्यक्तिगत तर्फ १५ करोडको सेयर कर्जाको सीमालाई २५ करोड पुर्याइएको छ ।
२. लघुवित्तको १५% लाभांशको अंकुशलाई आवश्यकता अनुसार परिमार्जन गरिनेछ ।
गज्जबको कुरा चाहिँ विदेशमा जस्तै सम्पती व्यवस्थापन कम्पनी खोल्न नीति तर्जुमा गरिने सम्बन्धित निकायमा पेश गरिने छ भन्ने लग्यो । यदि यसो भएको खण्डमा कम्पनीले बैंक तथा वित्तीय क्षेत्रका एनपिएल नै किनेर व्यवस्थापन गरिदिने छ। बैंकहरु खराब कर्जा मुक्त हुनेछन् ।

कसिएका धेरै नीतिहरुलाई बिस्तारै खुकुलो पार्दै गएको झल्को यो पटकको मौद्रिक नीति ले दिएको छ । समग्रमा आ .व. २०८२ ÷ ८३ को मौद्रिक नीतिलाई ग्रेड ए दिँदा फरक नपर्ला ।
थैन्कु