Skip to content

कृषि औजार कारखाना चलाउने दौडमा महावीर पुन, किताब बेचेर १६ करोड संकलन, १२ करोड आविष्कार केन्द्रको खातामा 

अर्थ सरोकार

४ महिना अगाडि

काठमाडौँ । राष्ट्रिय आविष्कार केन्द्रका अध्यक्ष महावीर पुनले किताब बेचेर १६ करोड बढी रकम संकलन गरेका छन् । उनले आफ्नै आत्मकथाको पुस्तक बेचेर हालसम्म १६ करोड ३५ लाख रुपैयाँ संकलन गरेका हुन् ।

पुनका अनुसार उनले हालसम्म २ लाख १८ हजार थान पुस्तक बेचिसकेका छन् । पुनको आत्मकथाको पुस्तकको मूल्य प्रति पुस्तक ७ सय ५० रुपैयाँ तोकिएको छ । 

पुस्तक बेचेर संकलन गरिएको रकमले विगत दुई दशकदेखि बन्द रहेको वीरगन्ज कृषि औजार कारखाना पुनः सञ्चालन गर्ने पुनको योजना छ । उनले पुस्तक बिक्रीबाट संकलन भएको रकममध्ये हालसम्म १२ करोड रुपैयाँ आविष्कार केन्द्रको खातामा जम्मा भइसकेको जानकारी दिएका छन् । 

पुनले २०८० पुसदेखि पुस्तक बिक्री गर्न सुरु गरेका थिए । हालसम्म पुनले ४३ जिल्लामा पुगेर पुस्तक बिक्री गरिसकेका छन् । थप ३४ जिल्लामा पनि पुग्ने योजना रहेको पुनको भनाई छ । सो रकमले बन्द कृषि औजार कारखानालाई सञ्चालनमा ल्याउने बताएका छन् ।

प्रतिक्रिया दिनुहोस्