काठमाडौँ । नेपाल स्टक एक्सचेञ्ज (नेप्से)को साइटमा नेप्से परिसूचक अपडेट भएको छ । सोमबार दिएँसो घटेको बजार साँझ पुनः अपडेट भएको छ ।

अपडेट भएको नेप्से परिसूचक अनुसार नेप्से ७.१० अंकले बढेर २९७१.३१ बिन्दुमा पुगेको छ ।

सोमबार दिउँसो कारोबार समय (३ बजे)मा १२.१३ अंकले बढेर २९७६.३३ बिन्दुमा पुगेको बजार एडजस्टमेन्टपछि २.०७ अंकले घटेर २९६२.१३ बिन्दुमा पुगेको थियो ।

तर, हुँदै नभएको क्याल्कुलेसन भएको भन्दै सेयर लगानीकर्ताको चर्को विरोध गरेपछि नेप्सेले ‘अध्ययन गर्दैछौँ’ भन्दै सूचना सार्वजनिक गरेको थियो । हाल भने नेप्सेको नेप्से परिसूचकको विवरण अपडेट गरेको छ । अपडेट भएको विवरण अनुसार बजार ७.१० अंकले बढेको छ ।