बैंकमा पुगेका सेवाग्राहीहरु आफ्नो पसलमा पनि आएको हुन सक्ने भन्दै व्यवसायीहरु आतंकित भएका छन् । त्यसमा पनि कन्ट्रयाक्ट ट्रेसीङ नहुँदा उनीहरुमा झन् त्रास बढेको छ । के संक्रमित कर्मचारीसँग को को सम्पर्कमा आए भन्ने विषय महत्वपूर्ण विषय होइन र ? बैंकका शाखा प्रबन्धक जोशी कन्ट्रयाक्ट ट्रेसीङ सम्बन्धित निकायले गर्ने भएकाले आफुलाई यस विषयमा थाहा नभएको बताउँछन् ।यसै पनि कुनैबेला कोरोनाको केन्द्रबिन्दुका रुपमा चिनिने सुदुरपश्चिममा कोरोनाको त्रास बढेको छ । त्यसमा पनि अत्यावश्यक सेवाका रुपमा संचालन भइरहेको बैंकमा कार्यरत कर्मचारीमा कोरोना संक्रमण पुष्टी भएपपनि कन्ट्रयाक्ट ट्रेसीङ नहुनु भने लापरवाहीको हद हो भन्ने कुरामा दुइमत नहुन सक्छ । यस विषयमा बैंक, बैंकहरुलाई नियमनगर्ने नियामक नेपाल राष्ट्र बैंक, स्थानीय निकाय र प्रहरी प्रशासनको ध्यान जान जरुरी छ ।