काठमाडौँ । सेयर बजार बुधबारदेखि खुल्ने भएको छ । जेनजी आन्दोलनका कारण भदौ २४ गतेदेखि बन्द रहेको सेयर बजार बुधबारदेखि खुल्ने भएको हो ।

२४ गतेदेखि बन्द रहेको बजार बुधबारदेखि खोल्ने तयारी भइरहेको नेपाल स्कट एक्सचेञ्ज नेप्सेले जनाएको छ । यद्यपि बुधबारदेखि सेयर बजार खोल्नेबारे बोर्डबाट निर्णय हुन बाँकी छ ।

बोर्डले निर्णय गरेलगत्तै सेयर बजार खुल्नेबारे सूचना नै सार्वजनिक गरेर जानकारी दिइने नेप्सेका एक अधिकारीले बताएका छन् । ती अधिकारीका अनुसार हालसम्म सेयर बजार बुधबारदेखि नै खोल्नेगरी तयारी अघि बढाइएको छ ।