काठमाडौँ । संसद विघटनविरुद्ध नेकपा एमालेले सर्वोच्च अदालत जाने तयारी गरेको छ । संसद विघटन असंवैधानिक भएको भन्दै एमाले त्यसविरुद्ध सर्वोच्च अदालत जाने तयारी गरेको हो । 

हाल एमालेमा संसद विघटन खारेज गर्दै प्रतिनिधि सभालाई पुनर्स्थापना गर्नुपर्ने माग गर्दै सर्वोच्च जाने तयारीबारे छलफल भइरहेको एमालेकै एक नेताले बताएका छन् ।

यसअघि असोज १२ गते बसेको पार्टीको सचिवालय बैठकमा पनि संसद विघटनविरुद्ध अदालत जाने विषयमा छलफल भएको थियो । हाल कुन दिन अदालत जाने ? भन्ने विषयमा पार्टीभित्र आन्तरिक छलफल चलिरहेको पार्टीका एक नेताले पुष्टि गरेका छन् ।