• अर्थ सरोकार सम्बाददाता 

काठमाडौँ – साताको कारोबारको दोस्रो दिन सोमबार बजार बढेको छ । आइतबारको तुलनामा बजार ३३.२७ अंकले बढेर १२९८.७३ बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ७६ कम्पनीको २७ लाख ३१ हजार ४ सय ९८ कित्ता सेयर खरिद बिक्री हुँदा ९२ करोड ७८ लाखमाथिको कारोबार भएको छ । जसमा सबैभन्दा बढी कारोबार नेपाल पुनर्बिमा कम्पनीको भएको छ । यस कम्पनीको कुल १४ करोड ५३ लाखमाथिको कारोबार भएको छ । त्यसपछि कारोबार क्रमश : नेपाल लाइफ इन्स्योरेन्स र  प्रभु बैंकको प्रमोटर सेयरको भएको छ ।

यता, सोमबार म्युचुअल फण्ड उपसुचक घटेको छ भने बाँकी सबै उपसुचक बढेका छन् । त्यसैगरी सबैभन्दा धेरै ग्लोबल आइएमइ लघुबित्त र  नेपाल पुनर्बिमा कम्पनीका लगानीकर्ताले कमाएका छन् भने सबैभन्दा धेरै राधी विद्युत कम्पनी र बोटलर्स नेपाल (तराई) का लगानीकर्ताले गुमाएका छन् ।