घटना केहि महिना अघि खोटाङको हो । जिल्लाको बड्कादियाले–१ का नरेश राईले ललितपुर एकान्तकुना बस्ने आफ्नो काका नकुल राईलाई आइएमई मार्फत पठाएको रकम आइएमईको लापरबाहीले बेपत्ता भएको थियो । गत जेठ ११ गते दिक्तेलस्थित हाम्रो खोटाङ कम्पनीबाट पठाएको एक लाख ५० हजार रुपैया अर्कैले झिकेपछि राई ठगिएका थिए । राईलाई पठाएको रकम मकवानपुर फापरबारी–७ का सरोज तिमल्सीनाले निकालेको प्रहरीको प्रारम्भिक रिपोर्टले जनाएको थियो । तिमिल्सीनाले ३६–०१–७१–०१५१७ नम्बर भएको नागरिकताबाट रकम निकालेका थिए । पिडितका अनुसार आफ्नो नम्बरको सट्टा आइएमइका कर्मचारीले अर्कैको नम्बरमा पैसा पठाएका थिए । 

‘यो त ठूलो रकम भएर खोजीनिती गरिएको बिषय हो । सानोतिनो रकम पठाउँदा यसरी जनताको पैसा थुप्रै पटक बीचमै हराएको छ ।’ स्रोत अगाडी भन्छ, ‘कहिले बीचमै पैसा हराउने, कहिले कममात्र पैसा पुग्ने, कहिले अरुकोमा पैसा पुग्ने, उजुरी गरेमात्र गल्ती भएको भन्दै फिर्ता गर्ने’ लगायतका काम आइएमइबाट हुन्छ । त्यसैले पनि जनताले आइएमइको विकल्प खोज्न थालेका छन् ।’

यसरी पैसा हराएपछि पनि पैसा फिर्ता गर्ने प्रक्रिया अगाडी बढेको र केहि समय लाग्ने भन्दै पूर्ण रुपमा जिम्मेवारी लिन भने त्यतिबेला आइएमइले मानेको थिएन । आइएमइबाट सहज रुपमा पैसा पाउन सकिन्छ भन्ने सोचेका राइले पैसा हराएर तनाव त खेप्नु पर्यो नै, आइएमइकै कर्मचारीले गरेको गल्तीका कारण थुप्रै पटक प्रहरीलाई गुहार्नु पनि पर्यो । स्रोत अगाडी भन्छ, ‘यसरी पैसा हराएर फिर्ता नपाएका उदाहरणपनि देशभर थुप्रै छन् । 

देशभरका तथ्यांक हेर्नेहो भने यसरी आइएमइबाट ठगीने धेरै छन् । आफ्ना कर्मचारीले गल्ती गरेपछि कम्पनीले जिम्मेवारी लिनुपर्ने हो । तर आइएमइले यसको जिम्मेवारी लिएन । आफुलाई नेपालको नम्बर १ रेमिट्यान्स कम्पनी भन्ने अनि आफुमार्फतनै गएको पैसाको जिम्मा नलिने आइएमइको यो हदसम्मको बदमासीलाइ अझैसम्म पनि कसैले कारवाही गर्न सकेको छैन ।

आफ्नो कम्पनीका कर्मचारीले गरेको गल्तीका कारण तनावमा परेका आफ्ना ग्राहकहरुलाई त्यतिबेला आइएमले दिने सानो सान्त्वना पनि ठूलो हुन्छ । तर यस बिषयमा प्रक्रिया अगाडी बढेको भन्दै आइएमइ ग्राहकसमक्ष केहि नबोलेर पैसा हराएको तनावमा परेका ग्राहकलाई अझै तनाव दिने काम गर्ने गरेको छ । ‘ पैसा हराएपछी कतिको घरमा रुवाबासी चल्छ, कतिलाई अत्याधिक तनाव हुन्छ । तर पनि प्रहरीले खोजिहाल्छ नि भन्दै आइएमनि पन्छिने गरेको छ । आइएमइले गरेको यहि लापरवाहीले समेत हुण्डीलाई झन् प्रशय दिएको छ । एकातर्फ विदेशबाट आफैंले हुण्डी गर्ने आइएमइ अर्कोतर्फ आफ्नै नेपाली दाजुभाईलाइ पनि तनाव दिएर गैरजिम्मेवारपूर्ण काम गरिरहेको छ । यस्ता घटनाहरु बाहिरिएपछी विशेषगरी खोटाङका जनताहरु भन्न थालेका छन्, ‘दुख गरेर कमाएको पैसा रिस्क लिएर पठाउनु भनेको नै आइएमइ गर्नु हो ।’

• EXCLUSIVE : रेमिट्यान्स घट्नुको भित्री रहस्य : यस्तो छ आइएमईभित्रको कालो धन्दा ! (आइएमइको कालो कर्तुत नम्बर १)