- अर्थ सरोकार सम्बाददाता
काठमाडौं – नेपालको निजिस्तरको टेलिकम सेवा प्रदायक कम्पनी एनसेललले आउंदैगरेको दशैंको अवसर भन्दै धरानमा गरेको एनसेल मेलामा गाँजाको खुलेआम् व्यापार भएको रहस्य खुलेको छ । एनसेलले बिहीबार पब्लिक हाई स्कुल मैदान, धरानमा उक्त मेला आयोजना गरेको थियो ।
बिहान ११ बजे शुरु भएको मेलामा आएका दर्शकहरुमध्ये कतियले गाँजानै बोकेर कार्यक्रमस्थलमा पुगेको बताइएको छ । आफ्नो नाम नबताउने सर्तमा धरानस्थित उक्त कार्यक्रमका एक सहभागीले एनसेलकै मान्छे हुँ भन्ने केहि समेत गाँजा व्यापारमा संलग्न भएको बताएका छन् ।
प्रहरीले तथा आयोजकले सुरक्षाको व्यवस्था मिलाएको भएपनि छलकपट गरेर गाँजा लगायतका लागुपदार्थ कार्यक्रमस्थलमै लागिएको र त्यसको प्रयोग भएको सहभागीहरुले बताएका छन् । एनसेलले आफ्नो प्रचार गर्ने निहुँमा गरेको यस्तो कार्यक्रममा यसरी खुलेआम लागुपदार्थको ब्यापार हुनुलाई प्रहरी र आयोजककै कमजोरीको रुपमा लिनुपर्ने सहभागी केहीको भनाइ थियो ।
एनसेल मेलामा चर्चित कलाकारहरु तथा संगीतिक समुहको प्रस्तुतीहरु, कमेडी, जादु, गेम स्टलहरु, किडस् जोन र फुड स्टलहरु थियो भने मेलामा कलाकारहरु सुगम पोख्रेल, शिव परियार, मिलनअमात्य,लाउरे, सन्दिप क्षेत्री, रेमोन दास श्रेष्ठ र समृद्घी राईको प्रस्तुती दिएका थिए । यसबारे एनसेलका सम्बन्धित व्यक्तिसँग कुराकानी गर्न खोज्दा एनसेलका कर्मचारी सम्पर्कमा आउन चाहेनन्।
Cinema Portal
Banker Dai Portal
Election Portal
Share Dhani Portal
Unicode Page
Aarthik Patro
Englsih Edition
Classified Ads
Share Training
PREMIUM

प्रतिक्रिया दिनुहोस्